Politika e privatësisë dhe cookies

Kontrolluesi i të dhënave është BD Imports SH.P.K., Prishtinë, Kosovë. Këtu shpjegojmë shkurt çfarë të dhënash përdorim dhe pse.

1. Të dhënat që na jepni

Kur na shkruani në WhatsApp, na telefononi ose e plotësoni formën e kontaktit, marrim emrin, numrin e telefonit dhe mesazhin tuaj. I përdorim vetëm për t’ju përgjigjur dhe për ofertën që kërkoni. Mesazhet nga forma dërgohen përmes WhatsApp; nuk i ruajmë në databazën e faqes.

2. Cookies dhe analitika

Faqja funksionon pa cookies analitike. Nëse shtypni “Pranoj” në njoftimin për cookies, aktivizojmë Google Analytics 4 për të matur vizitat (faqet që hapen, klikimet te WhatsApp dhe telefoni, kërkimet) në mënyrë të përmbledhur, me IP të anonimizuar. Nëse shtypni “Refuzoj”, nuk ngarkohet asgjë. Zgjedhjen e ruajmë vetëm në shfletuesin tuaj dhe mund ta ndryshoni në çdo kohë:

3. Të dhëna teknike

Serveri ynë ruan regjistra teknikë standardë (adresa IP, ora, faqja e kërkuar) për siguri dhe për të ruajtur faqen të qëndrueshme. Kur hapni një veturë pa detaje të ruajtura, faqja numëron hapjen e saj (pa ju identifikuar) që të përditësojmë më parë veturat e kërkuara.

4. Shërbime të treta

Fotot dhe të dhënat e veturave ngarkohen nga Encar. Fontet dhe logot e markave mund të ngarkohen nga rrjete shpërndarjeje (CDN). Linku te WhatsApp hap aplikacionin e WhatsApp, i cili ka politikën e vet të privatësisë.

5. Të drejtat tuaja

Keni të drejtë të kërkoni qasje, korrigjim ose fshirje të të dhënave tuaja. Na kontaktoni në +383 48 800 006.

6. Ruajtja

Të dhënat e kontaktit i ruajmë vetëm sa duhet për kërkesën tuaj dhe për detyrimet ligjore.